ذكرتيني وجيتيني تقولين الأمل مامات ... ومابيني ومابينك سحابة صيف وانزاحت

بدونك ياشقا حالي اعد الثانية ساعات ... لاجل ذكراك في قلبي مع الأيام ماراحت

فؤادي ماقوى ينسى وعيني تذرف الدمعات ... مع الأيام مارخصتك وفرصة عمرنا تاحت

وقفت ابكي واطالعها واراجع مامضى مافات ... وهي مثلي تطالعني ودمعة حزنها ساحت

ولامس كفها صدري وحست سرعة الخفقات ... وقالت ادمح الزلة ويدها في يدي طاحت

تبادلنا دموع الشوق وعايشنا الفرح لحظات ... وتفارقنا على ميعاد بعد مانفسي ارتاحت

طلبت اللي جمعني بك يكرر بيننا الفرحات ... وانا راضي بمقسومي وعيني منك لو ناحت

ذكرتيني وجيتيني تقولين الأمل مامات ... ومابيني ومابينك سحابة صيف وانزاحت