دقّت الساعه والموعد حضر
ورقصت موجه على سطح البحر
وغنّت الغيمه بزخات المطر
وجيت ...
أسابق الخطوات لك حافي القدم
ملهوف .. وأشواقي نغم
دقّت الساعه والموعد حضر

جيت بالثوب الجديد .. يا عسى عمرك مديد
شمس تشرق بالوصال .. واقع ماهو خيال
جيت والقمره بكت .. من فرحها نور وقصيد
وعانقت عيني عيونك وإبتدأ في القلب عيد

وجيت ...
أسابق الخطوات لك حافي القدم
ملهوف .. وأشواقي نغم
دقّت الساعه والموعد حضر

يا محطّات الصبر .. ما علينا من الصبر .. حنّا وصلنا
أمس كنّا ننتظر .. وانتهى اليوم الحذر .. نلنا أملنا
واجتمعنا إثنينا بأجمل طريق .. وابتدينا في درب معشوق وعشيق
بالسلامه يا الشقا .. آه يا محلى اللقا وآه يا محلى العمر
وجيت ...
أسابق الخطوات لك حافي القدم
ملهوف .. وأشواقي نغم
دقّت الساعه والموعد حضر