يا أهل النخيل اللي طلايعْه أطْرحن
لا أحداً صباح السوق يرّخص تمْرته
لان الزمان يداحن اللي ما أنْدحن
ويضيّع الطيار داخل قُمْرته

ويالهاتف الجوال يبغالك شحن
كم أتصلت ولا تجاوب نمْرته
أصابعي من دق الارقام اسْتحن
شف السحا يصّبغ عليها حُمْرته

إن كان راسك فيه حبٍ ما انْطحن؟

فأنا الحصان اللي تعجْبك طمْرته
أمْسن مضاريب الزمان ولا أصْبحن
في صدري اللي عمْرته من دمْرته

بالله عليك اتدوّر لهذي لحن
القاف هذا نشّعتني سمْرته
ياكثرهم كثراه صدقان الصحن
وياقلّهم والوقت ينْفخ جمْرته
لذا يعيض الرجل في بعض المِحن
عن أصدقاه وشلّته فِعل أمْرِته