حب جديد وحكاية عشق مجنونه الله يحي يا حب لفى توه
حب لكله وحب بس لعيونه حب بأقصى خفوقي بس له هوه

إيه إسمعي يا شجون الروح ممنونه جاني رقيق المشاعر ناوي الخوه
جاني حبيبي عمري فرحت غصونه ربيعها يوم سال السيل نوه


يوم إنهمر لي حنانه بأعذب لحونه قلت الله الله صفى جوي على جوه
ما به خبايا مافي اسرار مكنونه دامه حبيبي ليالي العمر محلوه

والله لحبي لو حظي وقف دونه مافيه قوه تصد الحب بالقوه
بس إنتظر يا زمن لين أعلن المونه من بعدها إللي تسويه يا زمن سوه