إلتقيت بقلبك و غنت سنيني
و ابتدت ضحكات وجهي تحتويني
بعترف لك والذي خالق عيونك
انك أجمل ما حصل قدام عيني

ما انت مثل اللي يمر القلب عادي
انت واحد في مرورك صرت فيني
و انت اول من لمح فيني قصايد
و اهتدى له لا اراديا حنيني

وحدك اللي تجمل تفاصيلي وحياتي
و الحياه بلا عيونك ما ابيها
فرحتي منك و شف بسمة شفاتي

كيف تصبح لو تجي عينك عليها

ليت تدري كيف أبيك وليت تدري
كيف تربكني ملامحك الغريبه
تشبه الصبح ونهار العيد بدري
يا غريب صارلي حاجه قريبهه

فيك انا ما اقدر اخبي أغنياتي
راضي بسهم غزى صدري بطيبه

يا مغير لي مفاهيمي وفكري
لو ملكت القلب كله مو غريبه
من بعد ما شفتك وغناك فجري
ما الوم الليل لو عدك حبيبه