توت حاوي – الشيخ امام
توت حاوي حاوي توت
خش اتفرج هرج فوت
زاحم لاحم عارك اضرب
ناضل فاضل خطوة وتقرب
وإلحق نفسك قبل ما يلعب
وامسك نفسك جوه الملعب
دانت حتضحك لما تموت
توت حاوي
حاوي توت
توت حاوي سبع مرات
لعبة جديدة يا حضرات
دق الفول ويا الكرات
هات الشطه والبهرات
شخبط لخبط حضر طاسة وكب الزيت
ولع طلع ريحة مريحة ف جو البيت
ح تلقى عجينة عجيبة متينة
لا تقول تينة ولا برتينة
كل يا صنايعي كل يا فقير
كل ماهو لسه الفول قناطير
آه يا سلام لو عود جرجير
تفضل تاكل لما تموت
توت حاوي حاوي توت
توت حاوي حاوي توت
خش اتفرج هرج فوت
قعدة فكيهة حتسمع فيها
حكاية البيضة والكتكوت
يحكى أن ولازم يحكى وكان ياما كان
قبل الجنة كان فيه بيضه وفرخه كمان
دبحوا الفرخه طبت صارخة
قامت البيضه طقت شارخه
طقشت فقست فرخ فصيح
يدن ويهلل ويصيح
حتى إن كان على وش دبيح
يفضل يدن لما يموت
توت حاوي حاوي توت
سحر مفيش دا كلام تهويش
نفض مخك يا ابو درويش
كل ما فيها الدنيا دي فيها
ناس بتبكش لاجل تعيش
حابس حابس عفريت كابس
ينزل قالع يطلع لابس
واللي بيرقص ع المسامير
واللي بإبره بيفحت بير
واللي بينفخ في المزامير
يفضل ينفخ لما يموت
توت حاوي حاوي توت
لا يوجد تعليقات حالياً