عسى الله يسامحني على كل ماسويت
انا اخطيت في حقك وحقك تحاسبني

أمانتك لاتسكت وانا اللي عليك اخطيت
تشره ولك حق اتشره وعاتبني

أمانتك لاتكتم وعاذرك لو زليت
تكلم ترى صمتك ونظرتك تتعبني

أمانتك قل لي شي وشفيك مارديت ؟
أمانتك لاتسكت تكلم وجاوبني

اشوفك تحطم وانت جاحد لاكني ريت
هدام الشعور اللي ورى صبرك المبني

اخذ راحتك واذرف دموعك الى حسّيت

بضيقه مع ان دمعة عيونك تعذبني

يالاذرب طبايع فالعذارى يالاجمل صيت
ي حسرة فوادي من دموعك وياغبني

اقدّر شعورك وافهمه زين لوصديت
لكن هقوتي في شيمتك ماتجنبني


ترى ماتنكرت لجميلك ولاسجيت
مواقفك يوم تحارب اللي يحاربني

تراك الحبيب الأولي رحت ولا جيت
وسوالفك تسعدني ونظرتك تجذبني

احبك الى اخر يوم يا احب من حبيت
احبك والى من قلتها لاتكذبني