تخليني وانا اللي حبك بشتى شراينه
تخليني مثل طفلي الصغير اجلس على بابي

تخليني وأنا الي ما رضاك تطيح من عينه
يا كم مره يدحرجك الزعل وتردك أهدابي

تخليني وأنا اللي لا لقاك وراح من حينه
أقبل كفي اللي صافحك وأحنط ثيابي


أحبك واعرف ان عمري معك ما يعرف سنينه
أحبك وأجهل أسبابي أحبك وأعرف أسبابي

أحبك وأمنيات الشاعر أكبر من دواوينه
بتكتبر الارض لو ان اللي بصدري صار بترابي

خذني من ايديني والا خذ طفلك من ايدينه
أنا صعبة علي أكون لك وحضوري غيابي