بل هذا الحب واشرب ميّته
خِلْصت القصه وبطلنا غرام
بس لا تظلم مشاعر ميّته
مادريت الطعن في الميت حرام

طيفك إللي مرني ما حيّته
عيني إللي بدمعها مثل الغمام
تبكي غيابك كثر ما عيّته
فيك مافاد المعاتب والملام


لا تحرا الحب وانسى جيّته
كان رحلة عمر عدت والسلام
كل واحد صار واضح نيّته
مافي داعي نعيد ونزيد الكلام

في هجير الشمس انسى فيّته
حتى ظلك صار خاين في الظلام
باختصار الحب وش هي ديّته
حلم في عيني وعيني ماتنام