يا غناة اللي يدور بعد فقره غناه
ودي انك سالمً من نزايف مدمعك
اعلم اني مثلك اعاني ظروف الحياه
واعلم ان الحظ لا اخطاك بكره يتبعك

ما ابي منك يا قلبي تسوي ذا السواه
تخفي احزانك وانا اسوق عمري لسنعك
‏ادري اني بـ الفعل ماني بـ طوق النجاه
‏لكن .. اللي يوجعك قول عنه و اسمعك
‏
‏خلنا جسمين في قلب واحد يا .. الغناه
‏كل مااستوجعت من حاجه أوجعني معك

شوفني لا ضاق صدري معا كل اتجاه
كل ما ضاقت لقيت الفرج في مفرعك

مبسك و اربعك .. حاجات تدعو لنفاه
جعلني فدوه لـ مبسك و لصف اربعك
اسفه اللي بيحسدنا .. و يلحقنا غثاه
لا سفهته كنك تطق .. عينه بـ اصبعك

و لا تخاف من المفارق على قيد الحياه
مالك الا وجهي .. اموت قبل اودعك
ماني مفارقك يا كود لا جات الوفاه
عاد لا من مت .. فـ الله معي و الله معك