ياوليف الروح يابعيد الدار
انت الجمال اليوسفي من الاخير

اه انا مشتاق والزمن دوار
طول علي بعدك حرام ومايصير

انت شي ماصار ملفت الانظار
طلتك غير وشوقي لشوفتك غير

العيون اسرار والحنين انهار
والبعد نار ولا بعد فرقاك خير

الدقايق وقفت من يوم وادعني وقفى
صارت ايامي بعد صده وتحناني تشابه

الحزن ماعاد خلا بالشقى كفى ووفى
لا حنين الا حنينه لا عذاب الا عذابه

نار قلبي من فراقه والله انها ما تطفى
ما بكيت الا فراقه ماشكيت الا غيابه

دارت الايام والعاذل على جرحي تشفى
وما بقالي من هجير البعد غير اطرد سرابه

اه ياقلبي مجار
واه ياعمري فدا

المحبه بختصار
جرح وورود وندا

ماتطفي النار نار
وكل صبرن له مدا
مايفيد الاعتذار
لا انتهى الحزن ابتدا


الحلا كله قدك وعينك
الى خذيت القلب ما تبغى وصاه

انت غير الناس انت ماشا الله
ياكامل الحسن وبهاه ومنتهاه

سيد الاحساس منتهى الرقه
مالك شبيه ولا بعد صدك حياة

لو هجرت سنين لو تروح بعيد
من ذاق حبك ماجفاه ولا نساه

البحر في عينه وريقه عسل فاخر مصفى
لا مشى قام يتمايل وان وقف كله مهابه

عاذله لا شافه يجر الخطى قام يتخفى
الله الي زاد حسنه ثقل وشموخ ورحابه

ابتسامة وجهه الطاهر حياويه وعفى
وعاشقه مافيه ليل لجل عينه ماسرابه

من جماله مايمل ومن وصاله ماتكفى
ومن يشوف الزين لو دله من اللهفه غدابه

كيف معك الوقت دار
كل ماهدى عدا

من يمين الى يسار
اسمع لصوتي صدا

بعد ما كانت عمار
وبعد ماطيري شدا

انتهى شدوه وطار
ومالي برده جدا