بعد ما فكرنا كتير
وتعبنا من التفكير
في الاخر مرتحناش
و وصلنا لحل اخير

اننا مش متفقين
واحنا الاتنين عارفين
انها مش نافعة خلاص
بنعاند بس في مين

ومادام اخرتنا فراق
يبقي النهايات اخلاق
نفضل فاكرينها بخير
مهو اصلنا مش في سباق


ودي مش معناها رجوع
متغيرش الموضوع
حسسني ان انت تمام
ومتقفلهاش بدموع

كده احسن ليا وليك
والايام هتنسيك
واحد جربت معاه
مطلعش مناسب ليك

ويا عالم بعد سنين
هنعيش ونقابل مين
مش يمكن بكرة نكون
من حق اتنين تانيين