الخليل الي توجد لجل خله
لا يحسب عتاب قلبي له مذمه

والطبيب اللي يداوي كل عله
لو نشر دعايته محدن بيمه

لو يقول اعرف علاجك قلت خله
ريحة الغالي علاجي لو اشمه

الحزين الي يقول ابي فرحه وفله
و السعيد يعيش من قمه لقمة

والغني كل شي يبغاه يحصل له
و الفقير يدور الاشياء المهمله

واليتيم يعيش عمره في مذله
كان ما سخر له الله قلب عمه

والغياب يكره الرجال في محله
اح يا جرح الهجر يا قوه همه


انظري بعيني و تلقين الادله
في عيوني اللي زمانه ما يهمه

قد شربت الضيق في فنجال دله
واضحك لحظي ولو جاب المطمه

لكن غيابك تبي الصدق لله
ماقدرت اطيقه آلله يلعن امه

كان هجرك جد دربي كيف ادله
و انت عنوان يبعثرني والمه

كان تتغلين ما فيها مذله
ما يشح على الكريمه غير رمه

و آلله ان الشوق و جاكي كله
وانتي ام الشوق من لحمه ودمه

تجرحين الشوق وانا اقول ياالله
الحوير ما تضره رمحة امه