الكلمه الحلوه ما بين اتنين
بتهوّن ياما على العاشقين
الكلمه الطّيبه م القلب قريّبه
بتكون أجمل هديّه لقلوب متعذّبه
وبحق العِشره يا دوب يا دوب بسمه
بتصالح قلبين متخاصمين
الكلمه الحلوه.....

الكلمه الحلوه اللي تهوّن
وتطمّن قلب اللي مخوّن
يا حبيبي بحبّك إكمنّك
في الدنيا ما فيش أطيب منّك
ولا حبعد يوم أبداً عنّك
ولا تبعد ثانيه في يوم عن عيني
الكلمه الطّيبه م القلب قريّبه
بتكون أجمل هديّه لقلوب متعذّبه
وبحق العِشره يا دوب يا دوب بسمه
بتصالح قلبين متخاصمين
الكلمه الحلوه.....

أنا قلبي عمرو ما يتحوّل
مشتاق في الآخر والأوّل
يا حياتي بحبّك من إمتى
وما ليش في العالم غيرك إنت
ليه تزعل وازعل من غلطه
واحنا اللي ما فيش بهوانا اتنين
الكلمه الطّيبه م القلب قريّبه
بتكون أجمل هديّه لقلوب متعذّبه
وبحق العِشره يا دوب يا دوب بسمه
بتصالح قلبين متخاصمين
الكلمه الحلوه.....