العام الجديد – ميحد حمد
عسى عامك سعاده وحب وتفرح بالهنا كلّه ... وكل الدنيا تضحك لك وتسعد يانظير العين
عسى العام الجديد احلى ونقطف ورده وفلّه ... ترافقنا السعاده والعمر يبقى لنا عمرين
اذا قالوا تحبه قلت كل العمر هو والله ... انا مخلوق لعيونه وهو بعيوني الثنتين
اذا ماسمعك لحظه احس القلب متولّه ... اشوف الناس بعيوني سراب وملتقاهم شين
احاول التقي بطيفك واسامح لو بدت زلّه ... واسهر قلبي وعيني الى حد النهار يبين
اكلم وردتي الحمرا وهي بالنود مبتلّه ... اطرشها لجل عينك وياخذها نسيم العين
ينام السعد في حظني واتشافى من العلّه ... واذا صوتك وصل سمعي احس ان الزمان يزين
انا من لي في هالدنيا اعيش العمر في ظلّه ... عسى العام الجديد يهل عساه يجمّع القلبين
لا يوجد تعليقات حالياً