انا اللي لبسك تاجك
وانا اللي جاي يشيل التاج
صعب تملكني او تملك .. بلحظة طيش وجداني
ابد ما عدت زي اول
ملك قلبي ولك احتاج
واذا قلبي فقدك بيوم
ابهدر دم شرياني

اببني بيننا حاجز
اذا سببت لك احراج
وببعد عن مداك ولا .. تفكر يوم تلقاني

ابصرخ بالمدى عاجز
وانا اسف على الازعاج
وش اجمل من اكون انسان
حر وهذي جنحاني

ملاك اتخيلك اول
ونورك بالسما وهّاج
من قبل القناع يطيح
واشوفك واحدٍ ثاني
قفلت الباب في وجه الـ .. رياح وقلت جاك افراج
ياقلبي انت حر ارجوك
سامحني على شاني