والله وعرفنا الحب ، والحب في بلدنا إتعلمناه والله

من يوم ما صدفنا القلب والقلب آطهر قلب عرفناه والله

كان هو حبيب الشعب والشعب شاف ليلة قدره معاه

وبأرواحنا عاهدناه وبحياتنا ناصرناه

أكبر من ده حب مفيش غير حب الله وحبيب الله

ياللي حياتك هي حياتنا عارف ليه إحنا إخترناك

شوق الماضي لمجد الحاضر كنا بنحلم بيه وياك

أمل الحاضر في المستقبل لسه بقيه ، مشواره معاك

حلم وكان بيراودنا من أجيال ويواعدنا

والله وعاش من شافه طال السماء بأكتافه

وبأرواحنا عاهدناه وبحياتنا ناصرناه

أكبر من ده حب مفيش غير حب الله وحبيب الله

الحرية كفاح ومبادىء صلى عليها الشعب وصام

كانوا زمان بيعلمهوه لنا، إملاء وإنشاء ورص كلام

وياك إنت اتعلمناها ثورة حب ونور وسلام

حب الخير كان واعدنا جوه بلدنا وبره بلدنا

كل عزيز في بلاده شاركنا في جهاده

وبأرواحنا عاهدناه وبحياتنا ناصرناه

أكبر من ده حب مفيش غير حب الله وحبيب الله

إحنا بنينا فجر حياتنا وبنبنيه لشباب يحميه

قد غرامه بحب بلاده يعرف يكره مين يعاديه

معنى الدين في الحب يا بلدي ياما أشقينا علشان نلاقيه

حاربنا إللي يحاربنا وكانت مصر تساندنا

وأمشينا ومسينا وشبابنا بيحمينا

وبأرواحنا عاهدناه وبحياتنا ناصرناه

أكبر من ده حب مفيش غير حب الله وحبيب الله

حب الوطن العربي أمانة وفرض وعهد على الملاين

كل ما نوهب خطوة كبيرة نحمي شرف المجد سنين

وحياة حبك لأجل عيونك يا فلسطين راجعين

مش تحرير في إيده في إيدينا ، بكره ها يعلن عيده وعيدنا

يوم ما ها يكسب خيله ونور قناديله

وبأرواحنا عاهدناه وبحياتنا ناصرناه

أكبر من ده حب مفيش غير حب الله وحبيب الله

والله وعرفنا الحب ، والحب في بلدنا إتعلمنا والله

من يوم ما صدفنا القلب ، والقلب أطهر قلب عرفناه والله