راجعوا التاريخ واعرفوا مين اللي ابتداها
اللعبة دي لعبتنا واحنا حليناها
يشهد علينا ربنا ولينا هيبتنا
احنا اللي كبرنا العيال وبقيت سيقاها

اللي بعنا خسر دلعنا
يلا ميت باي باي شبعنا
انتوا ليه فرحتوا في وجعنا
ياللي كلتم من إيدينا
ارحمونا عشان تعبنا
عينكم زي رادار في جيبنا
انتوا ليه عايزين خيبتنا
ياللي عينكم باصة لينا

لو عالفلوس ضيعت ياما ومش فارقلي
عايش بكيفي وصعب ياد حد يضايقني
محدش ليه جميل عليا أنا اللي ليا
واللي منفسن مني يا عم يجي ويقولي

افتحو كتاب الجمايل
هاتوا صفحة الزمايل
كل واحد عني قايل
ليا عنده 200 جميلة

ضهري ميل من كلامكم
نفسه يتكلم عشانكم
يابني خليكم في حالكم
فوقوا يا ولاد العويلة


أنا صاحبي دراعي
وعمي قرشي ماليش زمايل
ساند على نفسي
ومش ساند على حد مايل
اطمنوا مهما يزيد الحمل شايل
محبش حد يكون ليه عليا
في يوم جمايل

كلمة كل الناس تسمعها
اللي مديني حاجة يمنعها
ياللي بتقول ده مولعها
يكش تولع وانت مالك
من ساندني من البداية
كل ده بتعبي وشقايا
خف بقى تركيز معايا
حس بقى وانت مالك

هي اللي فيكوا بالعند فيكم مفيش مقارنة
ده مفيش جمال في الدنيا يوصف يوم قمرنا
عالميديا مش سايبنا ومتابعين صورنا
بس احنا ولا يشغلنا ولا حاطين في بالنا

اللي في خيالك وهواكي
اعمليه طول ما أنا وياكي
عيني أجمل حاجة شيفاكي
مش مهم عيون الناس
انتي عندي في حتة خمسة
جيبتي قلبي أوام بغمزة
دوبت فيكي يدوب بلمسة
كنت طاير من الإحساس