اعتذر له ما سمعني .. سال دمعي ما تأثر
اللي ما همه شعوري .. ما احتري منه يقدر
قلت له الكامل الله .. والله يسامح ويغفر
وش سبب هالصد كله .. وش عملت اللهُ اكبر!

منت قادر تنسى غلطة .. والا بالعاني تذكر
لو هي دموعي تفيدك .. مستعد أبكي لك أكثر
اعترف لي بالحقيقة .. قل لي حبي لك تغير
قلبك أقسى من زماني .. لو صخر يمكن تأثر


[جزء غير مغنى]

ودي اني مثلك أقسى .. أكثر من اللي تصور
لكن إحساسي عصاني .. والغرام أحيان يقهر
لو خسرتك من حياتي .. وش بقى بالله أخسر
يا سفى بك يا طموحي .. ما رحمك الحظ الأقشر

تكبر وتنسى يقولوا .. قلت ما حنسى لو اكبر
الكسور اللي بروحي .. ظنتي ماهيب تجبر
قالوا بتنسى وجوده .. جرب اصبر وتصبّر
قلت أنا صابر ولكن .. للأسف لا شيء يذكر