أكن في صدري من الهم طاروق
وأظن في صدر الليالي سعاده
أعيش في شخص من الطين مخلوق
وألقى جروحه تحت خدي وساده

أتوق في بعده والاقيه واتوق
وكل مانويت القرب يبعد زياده
اتساهل اخطائه واعاتبه برفوق
وان قلت راضي زاد فيني عناده

عجزت لاأعرف كيف ابادله بالبوق
وعجزت لاعرف كيف أقاوم بعاده
ماكني الا شايب يشكي عقوق

عياله اللي يحسب انهم زناده

اعطاهم اللقمه لو يدينه حروق
وعلمهم الطاعه وحسن العباده
كبرو وخلو له من الهم صندوق
فيه انكتب للعود هاك الرماده

هذا وانا اللي من سواياه مخنوق
ماني بقايل جعل ينسى السعاده
لأني أحبه ماكرهته لو اذوق
من يده العلقم حلاته زياده
قولو له ان كان المحبه لها شوق
لو طالت الغربه .. تراني بلاده