أشكرك ياوقتٍ كشف معدن الناس
‎وأشكرك يا جرحٍ ومنه تعلمت
‎علمتني أعطي لكل حد مقياس
‎وآطيح واقف حتى لو اني تألمت

‎قل للذي باع المشاعر والإحساس
‎إني على جروحي مشيت وتبسمت
‎رجعت أنا لنفسي وتلفظت الأنفاس
‎واقوى من أول من بعد طيحتي قمت

وخير يعني شصار حبيتهم باعوك
ترى الحياه حلوة يا قلبي لا تزعل

راح وعلى فرقاه يا خافقي مبروك
خيرة وصدقني الجاي أكيد أجمل

‎لا باس يا روحي و يا قلب لا باس
‎أهديتكم للي رخصني و تندمت
‎وآنا العزيز اللي أبد ماوطى الراس
‎رمز بشموخي في كلامي وفي الصمت

‎يالله بلا غيرة بلا هم و وسواس
‎ببدا حياتي وانا واثق و سلمت
‎الجاي أجمل والا مثله من الناس
‎خسارة حروفي عليه إن تكلمت