اذا عندك وكت ساعدني على النسيان
وبلكت تفهم الماكاعد افتهمه
اريد الزم جروحي وين امد الايد
يلزم يامكان الجارحه بكلمة
ومن اشتاكلك بعد ثنعش بليل
وتبدي العاطفة تضحك على الحكمة
شدير لعيني غير سوالفك وتنام
بشنو يكابل الليل الولفه مو يمه
ارد أقرأ الرسايل خاف ما رديت
وصلت لمرحلة مكتوبك اشتمه
وخاف اطفي الضوه وحشة الليل تزيد
وضل وحدي وصورك علي ملتمه
جنت جاهل واخاف الظلمة عذري وياي
هسة شطولني وخايف من الظلمة

..
جاي تگلي صعبة نخلي ايد بايد
وانا مرات صدري لصدرك تضمه
هو الرايدك يعرف ظرف واسباب
بس گلي اكو ثاني بحبك محشمه
ومايحتاج اگلك بقت بي ثلمة
وعلى وضعي بعد لاتاخذك همة
الحب كل ماصعب يغله اعله اليحبون
ترى يضحك علينا اليحچي بالقسمة
كل شي ولا تصدك شي طبيعي انساك
حرب نسيانك انت وسيفي بيه أعمى
عندك ثقة بگلبي وهالبقيت تروح
اليدري بروحه غالي البعد ميهمه
ردنا نصير واحد بس بقينه اثنين
انتهى البيناتنا وكلمن مشى لحلمه