اخر ليلة – شادية
آخر ليله
وسهرنا لحد الفجر...مافات علينا...وصبح على عنينا
وسهرنا ...وأتاري العمر ...كان ناسينا...وياريته نسينا
كان الفرح معانا ليلتها...وكان الحب ليلتها تالتنا
وكانت ليله...أحلى ليله
بس ياخسارة ساعتها...قد فرحتنا ساعتها
قلبي كان حاسس ليلتها
ان الليله دي آخر ليله
غريبه ساعات ...بتمر الساعات ...مالصبح ياعنيه
من قبل مايجي وأنا حاسه بحاجات ...مش عرفه ايه هي
واليوم ده مليانه بالاحساس ده هو
من الصبح قلقانه ...قبل مايجي هو
ماشيه...رايحه جايه...أتزوق دلوقتي ولا بدري شويه
وغريبه غريبه ايه جرالي ايه؟...وايه الحيره ديه وايه الداعي ليها؟
ايه غير لي حالي ...أول مره هي يجيني حبيبي فيها؟
وكانت ليله...أحلى ليله
بس ياخسارة ساعتها...قد فرحتنا ساعتها
قلبي كان حاسس ليلتها
ان الليله دي آخر ليله
نصيب...وبيقولوا نصيب...وغنوا في المواويل...على المكتوب ياليل
وعالعين اللي تصيب...نصيب
وتبعد القريب...ويبقى الليل طويل...على المحبوب ويل
ولا يرتاح فيه حبيب ...نصيب
واليوم ده حقيقي حلمت ان حبيبي...جم سألوا عليه
رد بصوته عليهم...سألته هتروح ليهم؟...وهتغيب قد ايه؟
قاللي جاي الليله...وفاتت يجي ميت ليله...على آخر أحلى ليله
وكانت ليله...أحلى ليله
بس ياخسارة ساعتها...قد فرحتنا ساعتها
قلبي كان حاسس ليلتها
ان الليله دي آخر ليله
لا يوجد تعليقات حالياً