قبل كلنا نحب بعضنا
وين جنا ووين صرنا
ليش الوفا كله اختفى
وصار العشق ماله معنى

تغير كلشي بالعالم
وماتت بيهم الهفه
ولما شاف هسه وشاف
يذب لوم عالصدفه

الزين بهل وكت مذموم
وشابع بس قهر وهموم
متحمل حجي الشمات
وياهو اليجي بكيفه يلوم


مانرحم بعض صرنه
واحد يجرح بواحد
الزمن ملعون خلانه
نثق بحساسنه البارد

نسكت عالغلط ميصير
ومانحسب حساب الغير
اهم شي نزرع الطيبه
وللعالم نحب الغير

نصفي النيه خلونه
العمر ماعاد ينفعنه
باجر كلنا نتحاسب
وغير الذنب ماعدنه