اتمنى اسجنك للأبد اني بحياتي
نقضي العمر حب ومشاعر
وبسماك اطير هاي روحي
تحرسك واظل بيك اني طاير

يا اول واخر عشك يالعقلي جننته
يا احلى من وجه الشمس
يا احلى شي شفته
لف السما ولف الارض
ما تلقى مثلي انت
كل عمري ابيعة لحضرتك
شنو يعني لو بعته

يا امنية روحي وحلم عمري اللي حققته

ماعوفك لأخر نفس لو قلبي وكَفته

تعرف اذا حبك جهنم هم احبك
هم جنه اشوفك انت بيها
ونارك اذا تحركَني بيها
مثل الثلج نارك عليه

ما ينتهي حبي الك حد ماله ونهايه
وكل ما يمر بيه الوقت احبك هوايه
كلمة احبك بس الك غيرك ما يسمعها
وبوعدي لو يوم اخلفت
روحي انت طلعها
ماينشبع منك ابد ما اكتفي بحبك
امليني حب اكثر بعد
لك حبني من قلبك