أَنَا مِية فُلّ وأَلِسطَة
وِ مِ الحَبَايِب عَندي لِيستَة
يِنقَص مِ الليِستَة وَاحِد
يِجِي فَوراً غِيرُه دَستَة
أَنَا مِية فُلّ وكَمَان
شَبعَان هَنَا وحُبّ وحَنَان
وِيَجُوز فِيه نَاس عَشَان
تِقابِلني تِحتَاج أَلف وَاسطَة
وَاللهِ دِي مُش شَطَارَة،بَس مَاليش فِي الخُسَارَة
كُلّ اللِي بِأصلُه قَلّ عَليه أنا بَنَزِّل سِتارَة

وِاللِي مَالوش عَندي لَزمة ،بَطفِيه زي السِّيجَارَة
وِاللِي يسبِّبلي أزمَة أنا بَدِّيلُه اِستمارَة سِتَّة
مِش وَاخداني الجَلَالَة
بَس شَايِف نَفسي حَالَة
أنا أكَمِّل أي حاجَة
بَس أنا مَا أبقَاش كِمَالَة
وبَراعي اللي يراعِيني
وِبالمحبَّة أديلُه عيني
بَس كمان فِي المِلاوعَة
أنا مَا عَنديش يَا أمَّه ارحَمِيني