حبكم في دمنا يجري
وكل شي منك صاغٍ له
ينشرح في شوفكم صدري
مثل طعم البن ف الدله
تدري أني أعشقك تدري
كن قلبي اللى مسوله

‏يوم ريتك كنك البدري
‏والجمال اليوسفي تشله
وش حلاتك يا بعد عمري
‏خل قلبي يا الغلا خله

طيبك من النرجسي العطري

والشعر زاهي وعلى حله
لو بزيدك وصف في شعري
وصفكم ما اقدر أوصل له

العي بصوتي شرا القمري
من مصاب القلب به عله
دوم اسمك في العقل يطري
العمر بك انا ما أمله

لون ثوبك أسود و خمري
وانته انته لي مزهله
تدري أني أعشقك تدري
كن قلبي اللى مسوله