كلمتها والقلب بالشوق فضاح
صارحتها بكل المشاعر والحساس
والله احبك حب لا جاء ولا راح
حبٍ ما حبيتة لغيرك من الناس
غلاك ياروحي غزا الروح واجتاح
سيطر علي من اخمص الرجل للراس

يا در يا ياقوت ياشمس لصباح
يا من عطاك الله جمالٍ بلا قياس
يابسمة احلامي انا كلي جراح
وبشوفتك اطيب ماكن بي باس
مد الوصل بيني وبينك ونرتاح

واطلق عنان الشوق خل التوجاس

انا الذبيح تخافني وانت ذباح
هو البحر في يوم خوفه غطاس
انت البحر وانا الذي فيك سباح
غرقان في بحرك وانازع بالانفاس
وتقول لي خايف اسبب لك جراح
خوفك وهم لا تصدقه مالة اساس

ليت الغلا في القلب لة باب ينزاح
وعينك تشوف من الغلا صادق احساس
حتى تصدقني تطمن وترتاح
واني احبك صدق ما نيب هلاس