البارحه ضاق صدري
وليل المواجع سريته
محتار قلبي وفكري
بأسبب منهو بغيته

دفنت حلمي بقبري
ودرب المخاطر مشيته
يارايد الوضع مزري
تكفى يا ليته يا ليته

ياليت صبري وشعري
ينفع مع اللي هويته
قدمت له قلب حصري
وخليت بالصدر بيته


والحب بالدم يجري
يستاهل اللي عطيته
لاجيت له قال عمري
فديت زولك فديته

وابرى جروحي وكسري
واحلى حنانه خذيته
ياكبر حظي وكبري
من يوم جاني وجيته

ماهان نفسه وقدري
هو مستواي ولقيته
بالمختصر ذاك سحري
وبدم قلبي شريته