قالو متالم شوية ياخى بُعد الشر عليك
النضاره الفى شبابك والطفولة الفى عينيك
والقلوب الحايمه حولك
ياحلو بتتمنى ليك
بكره تشفى وبكره نفرح يا حبيب العمر بيك
ياخى بُعد الشر عليك

انت يا نبع المشاعر ما بصيبك الا خير

نحنا مشتاقين وحاتك نحنا مشتاقين كتير
والله ما صابرين دقيقه حتى من مرضك نغير
ياخي بُعد الشر عليك

انت ما شبه الدموع انت ما شبه العذاب
انت ماكلك عواطف انت ماكلك شباب
العمر عندك اسير والعمر غيرك سراب
ياخى بُعد الشر عليك