حبايبنا شقى قلبي جفاكم ... وانا قلبي متيَه في هواكم

أراعي النجم بعيونٍ سهيرة ... وانتو بالهنا طايب كراكم

يجيني طيفكم في كل ساعة ... وأسهر طول ليلي من عناكم

وانتو قاسين القلب لكن ... تحملنا وعناكم من غلاكم

وانا يا صاح لو تسلون عني ... حشى والله قلبي ما سلاكم

غريم الشوق تسبيه المحبة ... وكثر الهجر يا خلي كفاكم

تزايد علتي من زود وجدي ... وجدي يا وليفي ع لقاقكم

عسى انه قصدكم في الحب قصدي ... ترا قصدي نبي نكسب رضاكم

تصبرنا وعسانا نال منكم ... بعطفٍ يا حبيبي من وفاكم

هدايانا لكم روحٍ سخية ... وهدايكم لنا كثرة جفاكم

تكرمنا ولكم بأكبر هدية ... ولا شفنا قليلٍ من عطاكم

ولا فكرت انا في حب غيرك ... ولو دورت ما بلقى شراكم

عليك القلب يخفق من المحبة ... خفيق الطير ويشادي يبيكم

ولي من عمضت عيني رأتكم ... وقلبي يستسخ الى نداكم

صلاة الله على الهادي محمد ... عدد ما هب شرت من جداكم