ساكن قصادي – نجاة الصغيره
ساكن قصادي وبحبه وأتمنى اقابله
فكرت أصارحه لكن أبدا مأقدرش أقوله
وفضلت استنى الأيام في معاد مايسهر ومعاد ما يرجع
كل خطوة أرسم احلام تكبر ف قلبي والقلب يطمع
وأقول مسيره ح يحس بيا لو يوم صادفني وسلم علي
حيلاقي صورته ساكنه بعيني ويحس بيها برعشة ايدي
كنت حاسه أن حبه كل ماده كان بيكبر
أبقى عايزه لو يكون لي قلب غير قلبي الصغير
فضلت أمالي مع الليالي
تقرب حبيبي اللي ساكن قصادي وبحبه
وفي يوم صحيت على صوت فرح بصيت من الشباك
زينه وتهاني وناس كتير دايرين هنا وهناك
شاوروا لي بإيديهم وقالوا لي عقبالك
هللت م الفرحه وسألت
قالوا ....... جارك
حبيبك حبيبي
اللي ساكن قصادي .... وبحبه
رحت الفرح بالليل ورسمت بعيني الفرحه
ساعة ما كان بيشيل بإيديه وبعيني الطرحه
شربت شرباتهم وانا قاعده بصالهم
لحد ما قاموا ومشيت اوصلهم
حتى الأمل ما بقاش من حقي أفكر فيه
بعد الليله دي خلاص بقى غيري أولى بيه
وتهت وسط الزحام ما حد حاسس بي
عايزه أجري وأرجع أتوه والناس يقولوا حاسبي
ناس في طريق النور ما بين فرح وشموع
وأنا في طريق مهجور ومنوراه الدموع
ولقيتني فايته من جنب بابه
لاهو داري بقلبي ولا باللي نابه
يا ويلي يا ويلي من طول غيابه
وياويل أيامي من جرح عذابه
عذاب الجرح اللي فاتوهلي وسابه
ساكن في قلبي وساكن قصادي وبحبه
حبيبي ساكن حبيبي ساكن قصادي وبحبه
لا يوجد تعليقات حالياً