على الهوى يا موتر – عيسى الاحسائي
على الهوى يا موتر جمس سايقه بطران
تحرك من الحي الكويتي مساني
سمعته يقول ان قدر الله عظيم الشان
جميع المواتر وان مشت ما تعداني
ولكن معه يابوفهد قايد الغزلان
لطيف الحشا ترف القدم نجل الأعياني
تبعه بسرعه هايله وناوي الرجعان
وهو ما درى ان اللي معه سيد خلاني
وقف وألتفت لي قال اظنك علي غلطان
تأسفت له قلت احسبك واحد ثاني
على كل حال اسمح لنا ياخوي الرحمن
على وين ماشي طرت من غير جنحاني
تفضل وشرف منزل اللي سكن خيطان
تريض هنا الليله وتالي العمر فاني
يقول العفو ممراحنا الليلة الظهران
لزوم علي اجيك كان الله احياني
لا يوجد تعليقات حالياً