كثر هالدنيا يا بنتي .. أحبك وين ما كنتي
وكثر ما تعشِقِك هالروح .. أحِس إني أنا إنتي
و لَنك يا بَعد ناسي .. نِفَس/كيف اوصِف أنفاسي
جعل كلّي فديتك من .. قِدَم رجلي إلى راسي

ولا ادري كيف يا قلبي .. أعَبر عن مدى حُبي
وانا آحبك من ضْلوعي .. إلين آخِر سِما ربي
خفوقي عالَمه كونك .. ولا أتخيلني من دونِك

وانا من جيتي ع الدنيا .. أشوف الدنيا بعيونك
وإذا إسمِك لِفى طاريه .. يا إنجازي اللي أفخَر فيه
يفز فوادي و يردّد .. يالبى بنتي يا لبيه

كِبرتي وْ صرتي قدّامي .. عروس أجمل من أحلامي
عسى الله يسعِدِك دايم .. ويضوي بشوفِك أيامي
وابدعي ربي سبحانه .. يمِد بعمرِك ازمانه
يا رب آمين وآشوفِك .. يا جيلان أسعَد إنسانة