يا كايد الأزهارْ ... يا جوري يا مفتّحْ

فكري معاك احتار ... و البال كمان يسرح

الليل بيبقى نهار ... و العتمهْ تتبدلْ

لو يوم تمر الدار ... يا حلو و تصبّح

عطشان و مش عطشانْ ... و الميهْ من نبعكْ

و السحر فيك ألوان ... و التقل من طبعكْ

و السهد و الأحزان ... بانت و تتدلل

لو تشتكي لإنسان ... يعمل ما هوش سمعكْ

يا ناشر النسمات ... و العطر يسحرنا

الناس بقت أشتات ... فبلاش تفكرنا

فيهم محب الذات ... و الباقي مستندلْ

و العمر عدّى و فات ... عجزنا و كبرنا

يا كايد الأزهارْ ... فتّح بقى و صحصحْ

حواليك أعادي كتار ... بتعض و بتدبحْ

خليك كدا زنهار ... و اوعك في يوم تدبلْ

لحسن ذئاب الليل ... يا جوري فيك تفرحْ