حمام ياللي تنوح .. من فوق روس السطوح

نوحك يزيد الجروح .. ذكرتني ياحمام

انوح مثلك واقول .. كف العذل ياعذول

ماطاوعك او تقول .. خل الهوى والغرام

ان ماحصلي مناي .. الله يجبر عزاي

واحسرتي وعناي .. اسهر وغيري ينام

شفت العنا والعذاب .. والقلب يازين ذاب

واجحد خفي الصواب .. حالي طواه الهيام

اسمر ضميره سخيف .. زوله وجسمه زريف

كله حلا يالطيف .. يذبح بزين الكلام

يانور عيني تراك .. احرقتني في غلاك

باح العزا من هواك .. يازين هذا حرام

هرجك يداوي العليل .. والخد وردي جميل

اسمر وخصره نحيل .. انت المني والمرام

الخد مثل القمر .. والموت وسط النحر

والعين فيها الخطر .. اعدم حياتي عدام

بالله ياللي تجيه .. قله تراي ارتجيه

اسلم وسلم عليه .. بلغ ورد السلام