لو كل عاشق في الهوى يختار نصيبو
ما كانش عاشق يا هوى فارق حبيبو
ما تعاتبونيش يا أهل الملام ما تعاتبونيش
ما تعاتبونيش يا أهل الملام وإدعو معايا
لكل مجروح في الهوى يلقى طبيبو
حبيته أيوه وغيره هوّ ما هويت
وفي بعده عنّي بحس إني إنتهيت
لكن نصيبنا نصيبنا كل واحد مننا
يمشي لوحده في الطريق ويقول يا ريت
مكتوب لقلبي بعد قلبو يعيش حزين
وأقول يا روحي بعد روحي أعيش لِمين
يا ريت بإيدنا بأيدنا تاني نجمع شملنا
ويعود حبيبنا حبيبنا يحضن الأشواق يا ريت