بتركك للوقت – مزعل فرحان
اباتركك للوقت و أنت وضميرك .. إما تغيب العمر والا تجيني
بالحيل ظامي ما رواني غديرك .. و بالحيل عنك بعيد لا تحتريني
أنا ضرير الوقت وأنا ضريرك .. بعيد لكن كنك قدام عيني
يمكن مع الايام باحب غيرك .. مادام قلبك صادقٍ مايبيني
يمكني ادله وانكر اني عشيرك .. و بعد ارتحال العمر يمكن تجيني
أبي قليل الحب ما ابي كثيرك .. ارجوك عطني بس لو بعض ديني
شرك محى في صفحة العمر خيرك .. وحبك تركني هايمٍ في سنيني
و انا ادري ان كل الحكي ما يثيرك .. لكن لزوم اقول وش صار فيني
لابد ياتي يوم و تعرف مصيرك .. و تقول بعد غياب عامين ويني
خل الهوى خله لغيري وغيرك .. ذا ما جنته ايديك ماهي يديني
اباتركك للوقت لازم يديرك .. و لا جيت اباصافحك فاقطع يميني
لا يوجد تعليقات حالياً