بنحب تونس – شعبان عبدالرحيم
عشان بنحب تونس ونحب شعبها
بنقول يا رب تحفظ بلادها وأرضها
تونس في قلب الأمة تاريخ بقاله زمان
يا رب تزيل الغمة وتعيش تونس في أمان
بالعقل يا شعب تونس الجرح راح يتلم
مش بالخراب والفوضى ولا بالخناق والدم
من تونس كله شرب وكل من خيرها وعاش
لكن اللي سابها وهرب أكيد محبهاش
نصيحة مني ليكوا خلوا المحبة دليل
وبلاش تشمّتوا فيكوا أمريكا وإسرائيل
صحيح في حاجات تحسر وشباب كتير محتاج
لكن نحرق ونكسر مش هو ده العلاج
يا ريتنا نفهم بقى أعداءنا مين بجد
الغرب بتوع مصالح ملهمش خير في حد
صداقات كلها وهمية عالم ملهمش أمان
في رجولة السعودية الناس الجدعان
يا ريت نحس بشعوبنا ونحقق كل وعد
ونعرف إن العرب ملهمش إلا بعض
لا يوجد تعليقات حالياً