شبكت قلبي – شادية
شبكت قلبي وروحي وعينيَّ عقبال ما تشبك كمان ايدي
كلام عيونك لعيني غنوة والدنيا جنبك ماتكفينيش
وكل كلمة تقولها لى حلوة لو حتى كلمة ما بحبكيش
بس أوعى عمرك تقولها لي
لاتخلى نومي يحرم علي
شبكت قلبي
أنت الأماني وفرحة زماني ومهما تبعد بتكون قريب
والقلب مهما يحب تاني عمره ما ينسى أول حبيب
ده لما بعدك يطول شوية
بتغلى أكتر وأكتر عليَّ
شبكت قلبي
وحياة جمالك وفداه عيوني إن غبت عني تبعت سلام
وكلام عوازلي اللي يكرهوني إياك تصدق لهم كلام
ادى أنت عارف إيه اللى بيَّ
والوجد فاض وبان علي
شبكت قلبي
لا يوجد تعليقات حالياً