انتهى عهد المحبه والتصافي والوفا
ما بقى لي روح تصبر كل يوما في رجاك
الامل نوره بعيني من تجافيك انطفى
والغلا ذاب وتلاشى مثل غيمه في سماك

انهمر دمع التوجد لين من عيني صفاه
وانت في دنيا التعالي والغرور اللي عماك

جيتني الحين توك طالبا مني الصفا
الصفا جوه تعكر من تجنيك وجفاك

روح لا تزعج عيوني جفنها نام وغفا
السهر خله بعينك لا تعذبني معاك
روح مالك عهد عندي روح ما جاني كفا
تو ما طابت جروحي وانطفت شمعت غلاك