كل ما طلعت هالشمس كل ما غيّب هالقمر
اتخيلك حدي وأحس يحلا ويطول السهر
بكرا واليوم وأمس اشكر الله على القدر
كافي اهمسلك همس خلاها تسمع هالبشر

أُعلن لحبك وفائي وأرهن العمر اللي باقي
فيك أُعلن إكتفائي وزيديني حباً بعد
إني انسى الحب لالا صفر بالمية احتمالا
وانا من اسمي أصالة يعني ما خون الوعد

وغالي غالي سودا من بعدو الليالي
وانا من دونو يا ويلي ويا حسرتي ويا ضلالي
واي واي طالما هالقلب حي
طالما فيني نفس غيرا ما يلمس إيديي



مرقت سنين وليالي وشاب عمري من السهر
والوطن شاغلي بالي وصوتي ماليه القهر
ياما أسرح بخيالي وياما هالقلب انتظر
يرجع يلاقي الغوالي ويحلي حدهن هالعمر

ياما اتخيل رجعتي شوقي يطفيلي شمعتي
ياما تكويني دمعتي واحلم نعيش بسلام
وحلفت عا اسما سمي بنتي بلكي يطيب همي
قولوا يا عالم لأمي رجعت أصالة عالشام

وغالي غالي هالوطن وترابو غالي
وانا من دونو يا ويلي ويا حسرتي ويا ضلالي
واي واي طالما هالقلب حي
طالما فيني نفس غيرا ما يسحر عينيي