الكوت والحي والعماره
كلهم بحسنك حيااره
المايشوفك ياحبيبي
من صدگ عمره خسااره

كيك بالقشطه خلقتك
كيمر السده ابوجنتك
بيه مابيه عشگتك
هذا گلبي واختياره

يالماكو مثل حسنك
هلا بيك وهلا بحسك
يالمدوخنه بعيونك
عليك العين تجااااره

انته عيناً گمر أسمر
دوخ الدنيا ابسماره


بيتنا وكل المدينه
نريدك تسير عليناا
يجي عيد الله واكبر
يالحلو لمن تجينه

منين جايب هالحلاوه
منين كُلي من السماوه
تدري من تحجي بهداوه
الگلب تشتعل ناره

احب گلبي لأن مثلك
ابيض حيل ويشبهك
حلات الحله بخدودك
عليك اندور ادواره

صدقة وفدوه الجمالك
على كل هاي الاثاره