اريد بليلة گمرية
بمشاعر كلها حنيه
نگعد گعدة كلها حب
يسمرة واحلى خمرية

بخيمة ونگعد بصحرة
ونسوي اجواء عربية
واباوع اني بعيونج
ولا غمض ولا اشوية

وابدي بوجهج اتغزل
احب وجهج ولا ينمل
واحب هذا السمار البيج
جمالج كامل امكمل

وارسم عالرمل گلبي
واكتب حرفج وحرفي
ونسوي اليوم احلى يوم
ولو هاليوم ما يكفي



جمالج يابه جنني
وصوتچ انتي يطربني
دلميني مثل شعرج
الج بس انخلق حضني

يمن فدوات للشامة
ولهاي الهيبة والقامة
كارزمة واناقة وذوق
كلشي البيج يعجبني

تعالي أبگلبي اهنانه
الج مفتوحة بيبانة
وانتشري مثل دمي
وصيري انتي شريانة

ولج ماشوف بس انتي
حبيبة روحي يا مرتي
واذا يمج جهنم نار
اگول افيششش يا جنتي