مدَّيت يدَّي وودَّي أحتضن عمرك .. ودَّي تكون بحياتي عمري الآتي
جيتك بكلَّي وكلَّي ضايع بسحرك .. أسرح وألاقي طيوفك تسكن بذاتي
هذا أنا لو يناديني شذا زهرك .. لبَّيت بأربع حروفٍ تسكن شفاتي
لبَّيه يا للي أعيش وأهتني بأسرك .. لبَّيه يا للي بغيابك أطلق آهاتي
العمر غالي وعمري يالغلا مهرك .. بهديك عمري وقلبي وضي لحظاتي

القلب قلبي ونبضه ساكن بصدرك .. وإنته لعلمك غديت بكل نبضاتي
تغيب وأعذر غيابك وألتمس عذرك .. من زود شوقي تعذرك كل ساعاتي
وإن جيت أعاتب ألاقي بسمة بثغرك .. أعاتبك بس تغلبني إبتساماتي
سريت ليلي وعيني حلمها بدرك .. من بعدها النور غطى بك مسافاتي
محال أي شي يوصل يالغلا قدرك .. قدرك سما تحتويها دوم نظراتي