لاح براق السحب من كل قبله
وخيلت ذكراك من عقب ارتدامه
المطر يجمع شمل خل/ن بخله
وانت ما غرك علي غر الغمامه
يا خليل المزن هل الوصل هله
ربع ب قلب/ن طوا حاله هيامه
كل غيمه لا ابتسمت اينوض وبله
يا فداك 2000 ضحكه وابتسامه
ما خذن كل الحلا .. والزين كله
يا ضريف الطول ما بعدك فخامه
الخصر تقول .. منحوت/ن بدله
وخدك مجمله غمازه وشامه
وناعس/ن برموش عينن مستضله
ما دريت انه ليا سلهم سهامه
يسبي القلب الخضر لو هو فطله

ويش عاد ان كان فكيت الثامه
يا حبيبي المحبه ساقها الله
ساقلك قلبي .. ولزملك خطامه
لا تعقد الحبل ما غيرك يحله
مع ضحايا العشق لاتحكم عدامه
والهواء لغز وعجزنا لا نحله !
ولاعرفنا كيف نمشي في نظامه
ايتقدس كل .. شعب وكل مله
ومن هوا في غبته ماله سلامه
شف عيوني يا نظرها كيف ذبله
تسهرك وهجوع خلق الله نيامه
طيف زولك لا دلهم اليل سدله
قلطه صدري .. وشبله عضامه
شب ضوه من ضلوع/ن مضمحله
من كبر قدرك ومن عالي مقام