أحبك آه انا يا ليت قلبي شعلةٍ من نور
كريٍم مثل شوق النظرة اللي تسكن اهدابك
أحبك وش بقى مني حطام العاشق المغرور
وما اظن الزمان اللي مضى يرجع من اسبابك
ولكن صدقيني الصدق في هذا الزمان شعور
يحبك من صدقك مرةٍ ما همه عتابك

أمانة لا تصبين العمر في كأسي المكسور
يضيع العمر ما يبقى سوى الإبهام وانيابك
ابد ما هو قصيده كتبها لك شاعرٍ مشهور

ولا هو وردةٍ يذبل ورقها في داخل كتابك
ولكن صدقيني الصدق في هذا الزمان شعور
يحبك من صدقك مرةٍ ما همه عتابك

الا يا طفلتي ما هو الهوى هالشارع المهجور
ولا هو ريحة غبار الوعد في اسفل ثيابك
كذب من قال ورد العاطفه ينبت بظل السور
وجبان اللي يخاف الناس لو وقف على بابك
كتب لك كل ما في الحب من عذب الكلام سطور
ولكنه عجز ياطفلتي لا يكتب كتابك