اول اقول الموت فيني ولا فيك
واليوم جعل الموت ياخذ حياتك
دامك تبيع انسان بالكون شاريك
موتك ولا توهم لغيري صفاتك

فيني مشاعر كل منساك تطريك
تلعن وفاها يوم لاقت رداتك
وقف دقايق و اذكر اللي يواسيك
جفف دموعك قبل توصل شفاتك

تذكر تجيني تبكي الظلم و ابكيك
و اشيل جرحك اجبرتني غلاتك
و ان غبت عني كل مابي يناديك
حطمت حلمي و رحت البي امنياتك


ادري الجمال و سود الاهداب كاسيك
لكن حسافه عكس وصفك خفاتك
خذيت مني كل مابي وانا اعطيك
امر تدلل قبل تنطق شفاتك

وان جيتني مهموم ظاق الزمن فيك
اخذك من يدك اغير حياتك
ياما ترجيتك و دمع عيني يحاكيك
طاوعت نفسك و كلمتي اليوم جاتك

مابيك انا بدنياي والله ما ابيك
رح يا عساك بجرح ينزف شقاتك
و اول اقول الموت فيني ولا فيك
واليوم فرحي ينولد في وفاتك