يا مسلمين – فلاح المسردي

عزي ل حالي كل ما عدو ضحايا الراحلين
اللي تولتهم غرابيل السنين المدبره
يا مسلمين الله يسامحكم ترانا مسلمين
حسوبنا قبل انتبخر مثل طيب المبخره

دمع الفرح لا خالطه ضحك الحزن مهوب زين
يعلق اللي ما يعرف البعثره ف البعثره
مدام الارض مكوره واتدور وين الغايبين
الظاهر ان الارض صارت مثل شكل المسطره

يا تل قلبي ب العروق اللي تتله تلتين
الاوله للميمنه و الثانيه للميسره
عليك ياللي ما يمهك لا يسار ولا يمين
من يوم جيتي كل امورك عند ابوك ميسره

يا غايبه سمحت بغيابك واحسبك تمزحين
انا اشهدني من بعدك ادور الضحك ادوره

لو قلت لك ماني حزين اكذب عليك الا حزين
معاد باقي بيني وبين الممات الا شعرره

الله يسامح من جعلني في موادعك استهين
اللي يقول الوقت ما يآقف على فرقا مره
توقفت من بعد فرقاك الاماني والسنين
قصت حياتي كلها قصت وراك التذكره

ارقى واحول من منيف الشوق لمنيف الحنين
وانا منول ما اسمع الا في منيف المنقره
جيتي ورحتي عمر وصلك ضحكتين ودمعتين
على سبيل الوصف مثل الضحك عند المقبره
وانا على رجوى لقاء واليا نويتي ترجعين
المقدره عند الغلا والعفو عند المعذره