بالله ياهل العيادة ابي وريقه شهادة ابعرضه للحبيب

قولوا اساس الحقيقة عن الجروح الغليقة اللي رمتني صويب

وان كان ما تعرفوها اقولها واكتبوها ما فيه بالحب عيب

قولوا بانه مريض مرض طويل عريض حسب قرار الطبيب

قولوا بان الدكاتر شافوه وقالوا ياساتر والله امر غريب

قولوا مايمكن علاجه الا ان حصل وحده حاجه يمكن حصوله صعيب

ماله علاج لدينا من العلاج انتهينا هاتوا حبيبة يطيب


حتى بعد ما يشوفه وذاك بيده يحوفه يشفى بوقت قريب

وشك معها عريضه شكوى لحالي المريضه بامضاء شخص اديب

لازم يكونو جميعا داخل مكان رفيعا ممنوع واحد يغيب

والصق عليها طوابع واقدمه بالاصابع واقول يامستجيب

حتى يكون ما يصدق اللي يجي ويتشدق اللي يغيب ويجيب

يقول له ما يحبك ولو حلف لك بربك تصدقه يا عجيب